مسئلہ:
بعض حضرات قوتِ حافظہ کیلئے پانچوں نمازوں کے بعد سر پر ہاتھ رکھ کر گیارہ بار ”یاقوی“ پڑھتے ہیں، یہ بزرگوں کا مجرب عمل ہے،لہٰذا اس کا پڑھنا صحیح ودرست ہے(۱)، البتہ روایات میں رسول اللہ ا سے مروی ہے کہ آپ جب نماز سے فارغ ہوجاتے تو اپنا دایاں ہاتھ سر مبارک پر پھیر تے، اور بعض روایتوں میں ہے کہ پیشانی مبارک پر پھیرتے، اور یہ دعا پڑھا کرتے تھے: ” بسم الله الذي لا إله إلا هو الرحمن الرحیم ، اللهم أذهب عني الهم والحزن “ ” اس اللہ کے نام سے کہ اس کے سوا کوئی معبود نہیں، وہ بڑا مہربان نہایت رحم والا ہے، اے اللہ! مجھ سے رنج وغم کو دور فرما“(۲) اس لیے اس دعا کا پڑھنا بہتر ہے۔
الحجة علی ما قلنا :
(۱)(أشرف العملیات :ص/۲۳۶ ، موٴلفه حکیم الأمت تھانوي رحمه الله)
(۲) (المعجم الأوسط للطبراني :۲۵۱/۲ ، رقم الحدیث : ۳۱۷۸)
ما فی ” کتاب عمل الیوم واللیلة “ : عن أنس بن مالک قال : کان رسول الله ﷺ إذا قضی صلاته مسح جبهته بیده الیمنی ثم قال : ” أشهد أن لا إله إلا هو الرحمن الرحیم، اللهم أذهب عني الهم والحزن “ ۔(ص/۴۴ ، باب ما یقول فی دبر صلاة الصبح ، کذا فی حصن حصین : ص/۱۰۶ ، ۱۰۷)
(فتاوی دار العلوم :۲۱۱/۲، فتاوی حقانیه:۱۰۲/۳، جامع الفتاوی :۵۲/۳، جامع الفتاوی :۸۲/۲، فتاوی عثمانی :۲۶۳/۱، خیر الفتاوی :۳۰۰/۱)