مسئلہ:
بعض لوگ کھانے سے فارغ ہونے پر، پلیٹ میں پانی ڈال کر اس میں انگلی ڈال کر اسے پی لیتے ہیں، اور اپنے اس عمل کو سنت خیال کرتے ہیں، جبکہ اس عمل کا سنت ہونا کسی حدیث سے ثابت نہیں ہے، حدیث پاک میں محض انگلیوں اور پلیٹ کو صاف کرنے کی ترغیب وارد ہے۔(۱) البتہ امام غزالیؒ نے اپنی کتاب ” احیاء علوم الدین “ میں برتن دھوکر پینے کے عمل پر ایک غلام آزاد کرنے کے برابر ثواب لکھا ہے۔(۲)
الحجة علی ما قلنا :
(۱) ما في ” مشکوٰة المصابیح “: عن جابر أن النبی ﷺ أمر بلعق الأصابع والصحفة وقال: ” إنکم لا تدرون فی أیة البرکة “۔ رواه مسلم (ص:۳۶۳، کتاب الأطعمة)
ما في ” الفتاوی الهندیة “: ومن السنة لعق القصعة، کذا فی الخلاصة۔ (۳۳۷/۵، الباب الحادی عشر)
ما في ” خلاصة الفتاوی “: ومن السنة أن یلعق أصابعه قبل أن یمسحها بالمندیل، ومن السنة لعق القصعة بالأصابع۔ (۳۶۰/۴، کتاب الکراهیة، الفصل الخامس فی الأکل)
(۲) ما في ” احیاء علوم الدین “: وأن یلعق القصعة ویشرب ماءها، ویقال: ” من لعق القصعة وغسلها وشرب ماء ها کان له عتق رقبة “۔
(۶/۲، کتاب آداب الأکل، القسم الثالث: ما یستحب بعد الطعام)
(فتاوی محمودیه: ۳۴/۲۷)