مسئلہ:
سلام کرنا مسنون ہے، لیکن بدعتی،متکبر اور فاسق جو علانیہ مرتکبِ کبیرہ ہو، مثلاً ایک مشت سے کم داڑھی رکھنا ،ٹخنوں کے نیچے پاجامہ پہننا ،ٹی وی دیکھنا ، سب وشتم کرنا، غیبت کرنا وغیرہ یہ سب علانیہ گناہ ہیں ،جب تک وہ ان گناہوں سے علانیہ توبہ نہ کرے ،ایسے شخص کو سلام میں پہل کرنا جائز نہیں ہے ،البتہ اگر کسی فاسق سے جان پہچان ہو ،اور اسے سلام نہ کرنے میں تہمتِ کبر ، اوراس کے لئے دینداروں سے مزید تنفر کا باعث ہو تو ایسی صورت میں گنجائش ہے ۔
الحجة علی ما قلنا :
ما في ” القرآن الکریم “ : قوله تعالیٰ : ﴿فاذا دخلتم بیوتا فسلموا علیٰ أنفسکم تحیة من عند الله مبارکة طیبة﴾ ۔ (سورة النور :۶۱)
ما في ” الدر المختار مع الشامیة “ : قوله ﷺ : ” تطعم الطعام وتقرأ السلام علی من عرفت ومن لم تعرف“ ۔ قال : وهذا التعمیم مخصوص بالمسلمین فلا یسلم ابتداء علی کافر ۔۔۔۔۔۔۔۔۔ کذا یخص منه الفاسق بدلیل اٰخر ۔ الدر المختار ۔ (۵۹۱/۹ ، الحظر والإباحة ، فصل في البیع)
ما في ” الشامیة “ : ویکره السلام علی الفاسق لو مُعْلِناً وإلا لا ۔(۵۹۵/۹ ، الحظر والإباحة ، فصل في البیع)
ما في ” الهندیة “ : واختلف في السلام علی الفاسق في الأصح أنه لا یبدأ بالسلام ۔ (۲۲۶/۵ ، کتاب الکراهیة ، الباب السابع في السلام)