مسئلہ:
بعض لوگ سلام کرنے پر جواب میں ”وعلیکم السلام “کی بجائے ” جیتے رہو“، ” خوش رہو ، آباد رہو، اور شاد رہو “ ، وغیرہ جملہ کہتے ہیں، شرعاً یہ خلافِ سنت ہے، کیوں کہ حضوراکرم ﷺ سے سلام کے جواب میں یہ کلمات منقول نہیں ہیں، بلکہ جواب دینے والے کیلئے افضل اور بہتر یہی ہے کہ وہ ”وعلیکم السلام ورحمة اللہ وبرکاته “ کہے، اس لیے کہ یہی سنت ہے، اور اس میں بڑی معنویت اور جامعیت بھی ہے، یہ ایسی دعا ہے جو دنیا سے آخرت تک کی تمام نعمتوں کو شامل ہے۔
الحجة علی ما قلنا :
ما فی ” القرآن الکریم “ : ﴿وإذا حُیِّیتُم بتَحِیَّةٍ فَحَیُّوا بأحسن منها أو رُدُّوْها﴾۔(سورة النساء :۸۶)
ما فی ” الجامع لأحکام القرآن للقرطبی “ : الثالثة: رد الأحسن أن یزید فیقول: علیک السلام ورحمة الله، لمن قال: سلام علیک، فإن قال: سلام علیک ورحمة الله، زدت فی ردک وبرکاته، وهذا هو النهایة فلا مزید۔ (۲۹۹/۵)
ما فی ” حاشیة النووی علی الصحیح المسلم “ : وأما صفة الرد فالأفضل والأکمل أن یقول: وعلیکم السلام ورحمة الله وبرکاته، فیأتی بالواو فلو حذفها جاز، وکان تارکاً للأفضل۔
(۲۱۲/۲، کتاب السلام، باب یسلم الراکب علی الماشی)