مسئلہ:
ان شرٹ یعنی پتلون میں قمیص کرنا ،اور ایسا چھوٹا شرٹ پہن کر نمازپڑھنا جس سے سترِ اعضاء کی ساخت ظاہر ہو،اور لوگوں کی نماز مکروہ ہونے کا سبب بنے، شرعاً یہ عمل نا پسند ومکروہ ہے ،نیز یہ غیروں کا طریقہ ہے ۔حضور صلی اللہ علیہ وسلم کا ارشاد ہے :اوراللہ تعالیٰ ناراض ہو تے ہیں اس شخص سے جو مسلمان ہوکر غیروں کے طور طریقے اختیار کرے ۔
الحجة علی ما قلنا :
ما في ” مشکوة المصابیح “ : عن ابن عباس قال : قال رسول الله ﷺ : ” أبغض الناس إلی الله ثلاثة : ملحد في الحرم ، و مُبتغٍ فی الإسلام سُنةَ الجاهلیة ، ومطلب دم امریٴ مسلم بغیر حق لیهریق دمه “ ۔ رواه البخاري ۔(ص/۲۷ ، باب الإعتصام بالکتاب والسنة ، الفصل الأول)
( فتاویٰ رحیمیہ :۱۶۱/۱۰)