مسئلہ:
اگرکسی شخص کے پاس بقدرِ نصابِ زکوة مال تو ہے ،لیکن دوسرے کے پاس رہن (گروی ) رکھا ہوا ہے، تو راہن(گروی رکھنے والا) اور مرتہن(جس کے پاس گروی رکھی گئی) دونوں پر اس مالِ مرہون(گروی رکھے ہوئے مال )کی زکوة واجب نہیں ہوگی ،کیوں کہ وجوبِ زکوٰة کے لئے ملک اورقبضہ دونوں ضروری ہیں،جبکہ مالِ مرہون راہن کی ملکیت میں تو ہے مگرقبضہ نہیں ،اور مرتہن کا قبضہ تو ہے مگرملکیت نہیں۔
الحجة علی ما قلنا :
ما في ” التنویر وشرحه مع الشامیة “ : (ولا في مرهون) ۔ التنویر وشرحه ۔ وفي الشامیة : قوله : (ولا في مرهون) أي لا علی المرتهن لعدم ملک الرقبة ولا علی الراهن لعدم الید ۔(۱۸۰/۳، کتاب الزکاة)
ما في ” الفتاوی الهندیة “ :ولا علی الراهن إذا کان الرهن في ید المرتهن ۔ هکذا في البحر الرائق۔(۱۷۲/۱)